யாழ்ப்பாண தொடருந்து சேவை குறித்து வெளியான தகவல்

[2026-02-02 21:17:52] Views:[20]

அனுராதபுரத்திற்கும் காங்கேசன்துறைக்கும் இடையில் இடம்பெற்ற யாழ் ராணி தொடருந்து சேவை குறித்து அறிவிப்பொன்று வெளியாகியுள்ளது.

டித்வா சூறாவளி, வெள்ளம் காரணாக சேதமடைந்த தொடருந்து பாதை திருத்த வேலைகள் காரணமாகவே தொடருந்து சேவைகள் காங்கேசன்துறையிலிருந்து அனுராதபுரம் வரை மட்டுப்படுத்தப்பட்டிருந்தது.

இந்தநிலையில் குறித்த தொடருந்து சேவை கடந்த 01ஆம் திகதி முதல் காங்கேசன்துறையில் இருந்து ஓமந்தை வரை இடம்பெறும் என தெரிவிக்கப்பட்டுள்ளது.

அதன்படி, காங்கேசன்துறையில் இருந்து காலை 6.00 மணிக்கு யாழ் ராணி தொடருந்து புறப்படும் என அறிவிக்கப்பட்டுள்ளது.

அத்துடன் ஓமந்தையில் இருந்து மாலை 03.45 இற்கு காங்கேசன்துறை நோக்கி குறித்த தொடருந்து புறப்படும் என தெரிவிக்கப்பட்டுள்ளது.

இதேவேளை சேதமடைந்த தொடருந்து பாதைகளை புனரமைப்பதற்காக கொழும்பு கோட்டையிலிருந்து பயணிக்கும் தொடருந்துகள் ஜனவரி 19ஆம் திகதி முதல் மார்ச் மாதம் 31ஆம் திகதி வரை அனுராதபுரம் வரை மட்டுப்படுத்தப்பட்டுள்ளமை குறிப்பிடத்தக்கது.