இன்று பலப்பரீட்சை நடத்தவுள்ள CSK மற்றும் RCB அணிகள்..!
[2026-04-05 11:44:15] Views:[154]
IPL 2026 தொடரில், தங்களின் முதல் போட்டியில் ஐதராபாத் அணியை 6 விக்கெட் வித்தியாசத்தில் வீழ்த்தி வெற்றிகரமாக துவங்கிய பெங்களூரு அணி, தனது இரண்டாவது லீக் போட்டியில் இன்று சிஎஸ்கே அணியை எதிர்கொள்கிறது. இந்த நட்சத்திர அணிகள் மோதும் போட்டி, பெங்களூருவில் உள்ள சின்னசாமி மைதானத்தில் நடைபெறுகிறது.
ஆர்சிபி தங்களின் முதல் போட்டியில் வெற்றி பெற்றிருந்தாலும், சிஎஸ்கே அணி தொடர் தோல்விகளை சந்தித்து வருகிறது. முதல் போட்டியில் ராஜஸ்தான் அணியிடம் 8 விக்கெட் வித்தியாசத்தில் தோல்வியடைந்தநிலையில், அடுத்த போட்டியில் பஞ்சாப் அணியிடம் 5 விக்கெட் வித்தியாசத்தில் மீண்டும் தோல்வியடைந்தது.
இதற்கிடையில், காயம் காரணமாக முதல் இரண்டு போட்டிகளில் விளையாடாத தென் ஆப்பிரிக்க வீரர் டெவால்ட் பிரேவிஸ், இந்த போட்டியில் அணிக்கு திரும்ப வாய்ப்பு உள்ளதாக தகவல் வெளியாகி இருக்கிறது.
ஐபிஎல் தொடரில் இரு அணிகளும் இதுவரை மொத்தம் 35 போட்டிகள் விளையாடியநிலையில், அதில் 21 வெற்றிகளை சிஎஸ்கே பெற்று முன்னிலை வகிக்கிறது. ஆர்சிபி 13 போட்டிகளில் வென்றுள்ளது.
இந்நிலையில், வெற்றியைத் தொடர RCB முயற்சி செய்தாலும், தோல்வி தொடரை முறியடிக்க, CSK கடும் போராட்டம் நடத்தும் என எதிர்பார்க்கப்படுகிறது.
RCB
விராட் கோலி
பிலிப் சால்ட்
ரஜத் பட்டிதார் (கேப்டன்)
ஜிதேஷ் சர்மா (விக்கெட் கீப்பர்)
டிம் டேவிட்
ரோமாரியோ ஷெப்பர்ட்
க்ருனால் பாண்ட்யா
புவனேஷ்வர் குமார்
அபிநந்தன் சிங்
ஜேக்கப் டப்பி
சுயாஷ் சர்மா
Impact Players
தேவ்தத் படிக்கல்
ஜேக்கப் பெத்தெல்
ரசிக் சலாம் தார்
கனிஷ்க் சௌஹான்
வெங்கடேஷ் ஐயர்
CSK
சஞ்சு சாம்சன் (விக்கெட் கீப்பர்)
ருதுராஜ் கெய்க்வாட் (கேப்டன்)
ஆயுஷ் மாத்ரே
டெவால்ட் பிரேவிஸ்
சர்பராஸ் கான்
சிவம் துபே
ஜேமி ஓவர்டன்
நூர் அகமது
அன்ஷுல் காம்போஜ்
மேட் ஹென்றி
கலீல் அகமது
Impact Players
கார்த்திக் சர்மா
பிரஷாந்த் வீர்
ராகுல் சஹர்
ராமகிருஷ்ணா கோஷ்
குர்ஜப்நீத் சிங்
